Angelus Silesius

Angelus Silesius, Johann Scheffler jaioa, Johann Angelus Silesius bezala ere ezaguna (Breslau, Silesia, 1624ko abenduaren 25a baitatua - ''ibidem'', 1677ko uztailaren 9a) alemaniar idazlea, apaiz katoliko eta mistikoa izan zen.

Erlijio luteranoan jaio eta hezi zen. Herbehereetan ikasten ari zela, Erdi Aroko mistikoak ikasten hasi zen, batez ere Jacob Böhme eta Abraham von Franckenberg.

Mistikoekiko oposizio protestantea zela eta, Johann katolizismora bihurtu zen. Frantziskotarren Ordenan sartu zen eta 1661ean apaiz ordenatu zuten. 1671n Jesuiten etxe batera erretiratu zen bere bizitza osorako.

Silesiako protestante alemaniarrak Eliza Katolikora itzultzeko konbentzitzen saiatu zen. Protestantismoari aurre egiteko lanak idatzi zituen, ''Ecclesiologia'' izeneko bi liburukitan bilduta.

Poesia erlijiosoa ere idatzi zuen. 1657an bere olerkien bi bilduma argitaratu zituen: ''Heilige Seelenlust'' eta ''Cherubinischer Wandersmann''. Horietan mistizismoa, kietismoa eta panteismoa jorratzen ditu, testuinguru ortodoxo katoliko baten barruan. Wikipediatik informazioa lortu