Jacques Callot

Jacques Callot (Nancy, 1592 – ibidem, 1635eko martxoaren 25a) lorrenar barrokoko grabatzaile eta marrazkilaria izan zen.

1400 akuafortetik gora egin zituen, non bere garaiko bizitza deskribatu zuen. Soldaduak, pailazoak, mozkorrak, ijitoak eta eskaleak marraztu zituen, baina baita gorteko bizitza ere. Baita irudi erlijioso eta militarrak ere, hondoko paisaiekin.

1612tik 1621era Florentzian bizi izan zen, eta han ikasi zuen akuafortearen teknika. Han Mediciren gorterako lan egin zuen. 1621ean Cosimo II.a Medicikoa hil ondoren, Callot Nancyra itzuli zen. Lorrenako, Frantziako eta Espainiako Gorteek lanak enkargatu zizkioten, baita Parisko inprimatzaileek ere. Bere lanak Europan zehar zabaldu ziren eta Rembrandt bere bildumagileetako bat izan zen.

Bere lanik ezagunena ''Gerrako miseriak'' da. Wikipediatik informazioa lortu