Charles de Foucauld

Charles de Foucauld (Estrasburgo, 1858ko irailaren 15a - Tamanrasset, 1916ko abenduaren 1a) frantses esploratzaile eta misiolaria. Armadako ofiziala zela, esplorazio-bidaia bat egin zuen Marokora (1883-1884). 1886an gudarostea utzi eta Notre-Dame-des-Neigeseko tropan sartu zen (1890). Palestinan, Sirian eta Aljerian egonaldiak egin zituen. Apaiz egin (1901) eta ermitau-misiolari egin zen Saharan, hasieran Beni Abbesen, eta gero Tamanrasseten (1905). Senusiek hil zuten. ''Rennaissance du Maroc'' (1888, ''Marokoren Errenazimentua, ''Duveryer laguntzaile zuela), eta tuaregei buruzko lanak idatzi zituen: ''Grammaire et Dictionnaire fançais-touareg, Touareg-français'', ''Poésies touaregs'', eta erlijio-liburuak.

2005eko azaroaren 13an beatifikatu zen eta Frantzisko aita santuak santu egin zuen 2022ko maiatzaren 15ean. Wikipediatik informazioa lortu