Franciscus Sylvius

thumb|Franciscus Sylvius. Franciscus Sylvius —jaiotza izena: Franz de le Boë— (Hanau, Alemania, 1614ko martxoaren 15a - Leiden, Herbehereak, 1672ko azaroaren 19a) sendagilea izan zen. Leidengo Unibertsitateko irakasle izan zen. Bizitzako gertaera guztien eta eritasunen printzipioa kimikan dela zioen, eta kimika sendagintzan erabili zuen lehenetakoa izan zen. Medikuntzan mistika alde batera utzi, eta fisika eta kimikako legeez baliatu beharra zegoela zioen.

Burmuineko hirugarren eta laugarren bentrikuluak bereizten dituen hodia (''Sylviusen akueduktu'' deitua), bosgarren bentrikulua (''Sylviusen bentrikulu'' deitua), garunaren erdialdeko arteria (''Sylviusen arteria''), eta aurrealdeko gingila eta parietala tenporaletik eta okzipitaletik bereizten dituen pitzadura (''Sylviusen pitzadura'') aurkitu zituen. Wikipediatik informazioa lortu