Lorenzo Valla

Lorenzo Valla —latinez Laurentius Vallensis— (Erroma, Italia, 1407 – 1457ko abuztuaren 1a) humanista, filosofoa eta latinezko idazlea izan zen. Irakasle izan zen Pavian, Napolin eta Erroman, eta Nikolas V.a aita santuaren idazkari. Idazle greko eta erromatarren idatziak ezagutarazteagatik eta antzinateko jakintza eta kristau fedea uztartzen egindako lanagatik da batez ere ezaguna. Homero, Herodoto, Esopo eta Tuzididesen obrak latinera itzuli zituen.

Obra nagusiak: ''De voluptate'' (1431); ''Disputationes dialecticae'' (1439), Erdi Aroko pentsalarien aristotelismoaren aurkakoa; ''Elegantiae linguae Latinae'' (1444), latina testuetan oinarrituta ikastekoa, eta ''In Novum Testamentum adnotationes'' (1449). Wikipediatik informazioa lortu